Fjellrype- og andre erotiske eventyr

146 kr, porto inkl. Du bestiller i Nettbutikk.

HEFTA, 62 sider. Illustrert. Framsidemåleri ved Judith Reinvik (www.judithsmalerier.com). 

Bli med til fjells, til ferjeleiet, på «glamping-tur» og inn i drivhuset! Det dampar av lyst og livsglede!

Fjellrype og andre erotiske eventyr er ei poetisk, variert og varm samling av erotiske historier.

Prøvelesarane seier:

«Alle fortener eventyr; alle fortener erotikk. Forfattaren gir deg erotiske eventyr som både rører ved kjenslene og gjer deg kåt. Kanskje får du og nokre nye idear?»

«Lillian skriver godt og levende, og leseren føres inn i historien på en måte som pirrer.»

Forfattaren Jens Bjørneboe skreiv i sin «I steden for en forsvarstale» (etter bråket og rettssaka rundt den erotiske romanen «Uten en tråd»): « Skal man som kunstner og menneske komme videre må man sørge for at man ingen vei har tilbake.» 

Eg tente for mange år sidan nokre småkroner ved å sende inn små erotiske-og svært poetiske- tekstar til Cupido. Så vart eg så skikkeleg at eg la bort den sysselen. Heilt til eg tok han fram att for litt sida. Det vart det nokre heite historier av. Ikkje akkurat eventyr, for det er dårleg med troll. Tvert i mot er desse eventyra befolka av snille og sjarmerande menneske som dyrker erotikken på ein varm og vakker måte. Nett slik det skal vere.